لاتجيني دام وصلك هو غيابك ٠٠
و لا تليني ٠٠ دام عطفك هو عذابك ٠٠
"أمنتك الله"
لابغيتي تريحيني ٠٠ أكرهيني وعلميني ٠٠
أكرهك
علميني أشبهك في خداعك ٠٠ في قسى قلبك وجورك ٠٠
في عذابك ٠٠
في غيابك ٠٠
في حضورك ٠٠
في جروحك ٠٠
في غرورك امنعيني أبكي في لحظة غيابك ٠٠
أنزعيني صفحه من داخل كتابك شققيها ٠٠ ضيعيها ٠٠
أمسحي كل كلمه فيها و أتأملي كل القصايد و احضنيها
ودعيها و أنثريها في مهب الريح ياخذها معاه
وينثر أحزان القصيد في طريقه وفي سماه
وتثور هالريح بهواها
وتمطر أحزاني معاها ٠٠
" بالعافيه يا أغلى حبيبه"
ارتوي بحزني الكبير واشبعي من دمعي ياللي ٠٠
قد ظمتيني كثير ٠٠
ابكي عـــ الفرقا وقولي أنه بعدي ذا مصير
و لا بكيتي ابني بدموعك بحور خلي أحزانك تثور٠٠
واصرخي هالحب جور٠٠
وأكرهيني لأجل ألاقي عذر يبرر موقفي يوم أكرهك ٠٠
ولأجل اقوى إني أدمر كل شعورك وأخسرك ٠٠
" آآآآه ياأغلى حبيبه "
شفتي كل هذا التعب في حالتي
حتى التعب واصل مداه لبكوتي ولضحكتي ٠٠
ما تصورت الحزن يسلب عيون فرحتي٠٠
وما تصورت الألم يظهر في صوتي وصرختي ٠٠
الهم أصبح لي عباه والحزن أصبح طرحتي
يا أرض وأوطان الألم يا موطني ويا غربتي
إن كنتي لي نور وضوى
قولي لشمعك ينطفي وقولي لحبك يختفي وأكرهيني ٠٠
وعلميني ٠٠٠٠٠٠ أكـ ــ ــرهـ ــ ــ ـــك ٠٠٠٠
الخميس أبريل 03, 2008 8:04 am
